Fjölskyldubúið Gunnbjarnarholti á sér sögu aftur til 1988 þegar tvítug ungmenni, Arnar Bjarni Eiríksson og Berglind Bjarnadóttir, hófu byggingu fjóss á jörðinni.
Gunnbjarnarholt er nýbýli frá Sandlækjarkoti en þar höfðu forfeður Arnars stundað kúabúskap samfellt frá 1789. Arnar er sjöundi ættliðurinn sem stundar þar kúabúskap.
Fyrsta fjósið í Gunnbjarnarholti var fimm ár í byggingu en þá fluttu ungu hjónin kýrnar sínar þangað. Þau settust svo sjálf að á þeim hluta jarðarinnar sem nú heitir Gunnbjarnarholt árið 1996. Fjölskyldan hefur vaxið og dafnað samhliða búskapnum og árið 2006 fæddist þeim fimmta og yngsta barnið.
Sex árum eftir að þau fluttu á jörðina breyttu hjónin fjósinu í lausagöngufjós og gerðu þá strax ráð fyrir tveimur mjaltaþjónum. Það var þó ekki fyrr en 2004 að þau réðust í þá fjárfestingu sem reyndist vel og sparaði mörg handtökin.
Uppbyggingin hélt áfram, smátt og smátt fjölgaði kúnum og búið stækkaði með jarðakaupum í nágrenninu. Í tæp 10 ár var ekið tvisvar á dag til mjalta í öðru fjósi á jörðinni Skáldabúðum í um 18 km fjarlægð frá Gunnbjarnarholti.
Búskapur fjölskyldunnar hefst í Sandlækjarkoti (nú nýbýlinu Gunnbjarnarholti).
Haugkjallari steyptur.
Byggt yfir haugkjallarann.
Tekið við kúm og framleiðslurétti í Sandlækjarkoti.
Kýrnar úr Sandlækjarkoti fluttar í nýtt fjós í Gunnbjarnarholti.
Flutt í Gunnbjarnarholt.
Fjósinu breytt í lausagöngufjós, stækkað um helming og hannað fyrir mjaltaþjóna.
Fjárhúsi breytt í geldneytahús og byggt yfir það.
Tveir mjaltaþjónar keyptir.
Flutt í nýtt íbúðarhús.
Meira land og framleiðsluréttur keyptur.
Land tryggt fyrir 300 kýr með tilheyrandi uppeldi.
Hönnun hefst á nýju fjósi.
Framkvæmdir á nýju fjósi hefjast 18. júlí.
Flutt í nýtt fjós 21. desember.
Uppbygging á votheysgryfjum með margnota yfirbreiðslubúnaði.
17. desember, mjólkurvinnsla tekin í notkun og bein sala Hreppamjólkur hefst.
