Mjólk í sjálfsala
Við bjóðum neytendum að kaupa mjólk í sjálfsala og fyrsti staðurinn sem sjálfsali er settur upp í er Krónan í Lindum. Við gefum fólki kost á að nota fjölnota umbúðir, annað hvort mjólkurflöskur sem fást á staðnum, eða ílát sem fólk kemur með að heima. Við stefnum á að fyrir lok árs 2022 verði seldir a.m.k. 5 lítrar af mjólk á móti hverri 1 lítra glerflösku.
Með þessu erum við umhverfisvæn og minnkum kolefnisspor okkar framleiðslu eins og markaðurinn kallar eftir. Við hvetjum því viðskiptavini okkar til að endurnýta flöskurnar með því að koma með þær og fylla á þær aftur og aftur. Markmið okkar er að bjóða sem hreinastar vörur og sem næst uppruna sínum.
Mjólkin sem við bjóðum í sjálfsölunum verður seld í fjölnota glerflöskum og hún er gerilsneydd en ófitusprengd. Þess vegna flýtur rjóminn efst í flöskuna, hann er hægt að fleyta ofan af og bragða á honum eða hrista hann saman við mjólkina.